Hilde Hammer tilsett som fjelloppsyn i Vågå

Vågå fjellstyre har tilsett Hilde Hammer som nytt fjelloppsyn. Ho tek til i stillinga 1. januar 2027.

Hammer kjem frå stillinga som eigedomskonsulent i Statskog, der ho i dag har ansvar for mellom anna Vågå, Lom og Sel. Ho har bachelorgrad frå Evenstad og mastergrad frå Noregs miljø- og biovitskaplege universitet på Ås.

Hilde er fødd og oppvaksen i Vågå og har sterk tilknyting til fjellet og utmarka i området. Ho er ein aktiv jeger og fiskar, og har gjennom arbeid og fritid opparbeidd seg brei kompetanse innan naturforvaltning og bruk av utmarksressursar.

Vågå fjellstyre er svært glad for å få Hilde med på laget. Med solid fagleg bakgrunn, god lokalkunnskap og relevant erfaring frå Statskog, er ho godt rusta til å ta fatt på oppgåvene som fjelloppsyn.

Vi ønskjer Hilde velkomen til Vågå fjellstyre og ser fram til samarbeidet når ho tek til i stillinga ved årsskiftet.